Vinnið verkefni 1 – 4 saman í pörum, hópum eða lesið sjálf textann sem bent er á. Ræðið spurningarnar og skráið niður svörin ykkar. Berið síðan svörin saman við aðra hópa sem ræddu það sama.

Verkefni 1

Á vef Heilsuveru er grein um sjálfsmynd sem kallast:  Hvað er sjálfsmynd? 

Fyrir mörg ungmenni snýst margt í lífi þeirra um að komast að því hver þau eru. 

• Hvað er átt við með hugtakinu sjálfsmynd? 
  • Hver ert þú? Hvernig manneskja ert þú? 
• Hvaða hæfileika hafið þið? 
• Hverjir eru styrkleikar ykkar? En veikleikar? 
• Stundum er talað um jákvæða sjálfsmynd og neikvæða sjálfsmynd. 
  • Hvað er átt við með því?  Nefnið nokkur dæmi um hvort þessara.
• Hægt er að ýta undir sjálfsmynd vina með því að hrósa þeim, helst daglega.
  • Hafið þið hrósað einhverjum í dag? Hefur ykkur verið hrósað í dag? 

Verkefni 2

Í myndinni Tvöfalt líf kemur fram að Arin finnst hún þurfa að lifa tvöföldu lífi.  

• Hvað er átt við með að hún lifi tvöföldu lífi?  Hvers konar líf eru þessi tvö? 
• Ef við finnum fyrir miklum þrýstingi og væntingum frá öðrum: Hvernig getur það haft áhrif á tækifæri okkar til að finna út hver við sjálf erum?   

Verkefni 3

Ræðið saman:

• Hvar eru mörkin á milli þess sem eru of strangar reglur og hvað er „eðlilegt“ að fullorðna fólkið heima ákveði?

Verkefni 4

Í grein á Neyðarlínunni um heiðursofbeldi kemur líka fram að það gæti verið gott að tala við einhvern ef þér finnst reglurnar heima óeðlilega strangar þannig að þú eigir erfitt með að lifa þínu eigin lífi.  

• Hvað heldur þú að sé átt við með reglum sem eru svo strangar að það verður erfitt að vera þú? 
• Við hvern geturðu talað ef þú upplifir mjög strangar reglur heima? 

Verkefni 1

Notaðu grein sem umboðsmaður barna skrifar á vefnum barn.is sem innblástur til að svara spurningunum hér að neðan:

• Hvað á ungt fólk rétt á að ákveða sjálft? 
• Hvað eiga fullorðna fólkið heima að ákveða? 
• Hvaða hluti þurfa ungt fólk og fullorðnir að komast að saman? 
• Búðu til lista fyrir hvert þessara þriggja atriða og ræðið þau í hóp.  

Verkefni 2

Horfðu á myndina Tölum um ofbeldi og lestu greinina Afleiðingar ofbeldis á börn á vef Heilsuveru. 

• Hverjar eru helstu afleiðingar ofbeldis á börn? 
• Hverjir eru það sem beita ofbeldi?  
• Hverjum er hægt að kenna um það ofbeldi sem á sér stað á heimilum? 
• Hvað er best að gera ef þú upplifir ofbeldi eða þekkir einhvern sem upplifir ofbeldi? 

Verkefni 3

Horfðu á myndböndin á síðu lögreglunnar sem heitir Ofbeldi gegn börnum.

• Hvaða ráð gefa fræðslumyndirnar um það sem best er að gera þegar ofbeldi er viðhaft? 
• Veldu þau ráð sem þér finnst best og rökstuddu hvers vegna þú hefur valið þessi tilteknu ráð. 
• Ertu með aðrar tillögur að ráðum? 

Verkefni 4

Horfðu á myndböndin á síðu lögreglunnar sem heitir Ofbeldi gegn börnum.

Í myndböndunum og á síðunni sem þau eru vistuð á kemur fram hvert þú getur haft samband ef þú finnur að það er erfitt heima. Hvaða staðir eru nefndir? 

Vinnið saman í pörum, hópum eða lesið sjálf textann sem bent er á. Ræðið spurningarnar og skráið niður svörin ykkar. Berið síðan svörin saman við aðra hópa sem ræddu það sama.

Verkefni 1

Lesið greinina á Heilsuveru Hvað virkar í uppeldi? 

• Hvaða dæmi eru nefnd um að virki vel í uppeldi barna? 
  • Veljið nokkur ráð sem þið vilduð að væru meira notuð heima hjá ykkur í samskiptum foreldra og barna.  
• Það getur stundum verið erfitt að vita hvort verið sé að beita ofbeldi eða hvort foreldrar séu að beita aga til að kenna ykkur það sem þarf í lífinu. 
  • Hvaða munur er á því? 
  • Hvað getur verið ofbeldi sem á aldrei rétt á sér?  
• Hvað merkir það að beita börn aga? Til hvers eru foreldrar að aga börnin sín? 
• Af hverju nota foreldrar reglur á heimilinu? 
  • Hvaða reglur finnst ykkur að þurfi að vera á heimilinu svo öllum líði vel? 

Verkefni 2

Ímyndið ykkur að einhver sem þið þekkið eigi erfitt heima og hræðist það hvað gerist ef hann eða hún segir einhverjum það. Hvað mynduð þið getað sagt við viðkomandi til að hjálpa? Nefnið nokkur ráð og berið saman bækur ykkar í bekknum.  

Skipulögð hjónabönd eða jafnvel nauðungarhjónabönd eru viðtekin venja í mörgum menningarheimum, þar sem stúlku er gert skylt að giftast manni sem fjölskylda hennar hefur valið, oft þegar hún er mjög ung að árum.

Verkefni 1

• Hvað er skipulagt hjónaband?
• Á að banna skipulögð hjónabönd til að vernda ungar stúlkur? Eða væri það óvirðing við menningarhefð sem er ólík okkar?
• Hverjar gætu verið ástæður þess að sumir skipuleggja hjónabönd fyrir börn sín?
• Hvað er nauðungarhjónaband?
• Hvers vegna getur stundum verið erfitt að greina muninn á skipulögðuhjónabandi og nauðungarhjónabandi?
• Á Íslandi þarftu að vera 18 ára til að giftast. Af hverju haldið þið að þetta aldurstakmark sé til?

Hægt er að leita aðstoðar og hafa samband ef þið hræðist að verða fyrir nauðungarhjónaböndum eða ef það hefur þegar gerst. Hægt er að leita til félagsþjónustu í sveitarfélaginu, hafa samband við lögreglu eða barnaverndarþjónustu. Einnig getur Neyðarlínan aðstoðað hvert hægt er að leita.

Verkefni 2

Ímyndið ykkur að einhver sem þið þekkið upplifi og finnist fjölskyldan vera að þrýsta á eða hóta viðkomandi að þau verði að gifta sig einhverjum sem þau vilja alls ekki og óttist hvað gerist ef þau segi einhverjum frá.

Hvað getið þið ráðlagt viðkomandi?