Vinnið verkefnin saman í pörum, hópum eða lesið sjálf textann sem bent er á.  Ræðið spurningarnar og skráið niður svörin ykkar. Berið síðan svörin saman við aðra hópa sem ræddu það sama. 

Lesið á vef Stígamóta um það hvað er samþykki. 

Verkefni 1

Hjálpist að við að svara spurningunum: 

• Hvað er átt við með hugtakinu samþykki?
• Hvaða afleiðingar gæti það haft að stunda kynlíf án samþykkis?
• Samþykki er hægt er að afturkalla á hvaða tímapunkti sem er, hvort sem það er tjáð með orðum eða líkamstjáningu. Hvers konar líkamstjáningu gæti viðkomandi sýnt til að draga til baka samþykki sitt?
• Hvað finnst ykkur um að sum ungmenni suði um kynlíf þar til viðkomandi samþykkir? Er það samþykki?

Verkefni 2

Búið saman til auglýsingaherferð: 

• Búið til slagorð fyrir auglýsingaherferð sem mun snúast um samþykki.
• Rökstyðjið slagorðið . Af hverju heldurðu að einmitt þetta sé mikilvægt í svona herferð

Vinnið verkefnið saman í pörum, hópum eða lesið sjálf textann sem bent er á. Ræðið spurningarnar og skráið niður svörin ykkar. Berið síðan svörin saman við aðra hópa sem ræddu það sama.

Verkefni 1

Vinnið saman í pörum, hópum eða lesið sjálf textann sem bent er á.  Ræðið spurningarnar og skráið niður svörin ykkar. Munið að þið eigið öll rétt á að segja ykkar skoðun og engin ein skoðun er rétt. Veljið ykkur einhvern sem stýrir umræðum þannig að öll komist að.  

Lesið greinina Mýtur og staðreyndir um kynlíf á vef Stígamóta.

Ræðið þessar fullyrðingar.  Er þetta rétt eða rangt? 

• Stelpur vilja ekki stunda kynlíf og eiga ekki frumkvæði að kynlífi. 
• Strákar eru alltaf til í tuskið, annars er eitthvað að. 
• Allar stelpur eru með píkur, allir strákar með typpi og það eru bara til þessir tveir hópar fólks. 
• Þú þarft að stunda typpi-í-píku-kynlíf til að missa meydóminn/sveindóminn. 
• Fyrsta skiptið mun verða vont – og jafnvel í nokkur skipti eftir á. 
• Kynlíf er eins og klám. Þú verður að stynja hátt, fara í ýktar stellingar, raka kynfærin og líta út eins og klámstjarna til að vera aðlaðandi. 
• Fatlað fólk hefur ekki kynhvöt.
• Ef þú ert í sambandi áttu alltaf að vera til í kynlíf, annars elskarðu ekki hina manneskjuna. 
• Fólk í sambandi stundar ekki sjálfsfróun. 
• Þegar þú byrjar að stunda kynlíf máttu ekki segja stopp. 
• Allir eru að gera það – og eiga að vilja gera það. 
• Hvað gæti verið mikilvægt að hugsa um áður en þú stundar kynlíf í fyrsta skipti? 
• Er löglegt að stunda kynlíf áður en þú verður 15 ára? Útskýrðu svarið nánar. 

Verkefni 2

Kynferðislegur lágmarksaldur á Íslandi er 15 ár. Umræður hafa verið meðal þingmanna um að hækka þann aldur í 18 ár. 

Ræðið. 

• Hvað finnst ykkur um að kynferðislegur lágmarksaldur sé 15 ár? Hvaða rök eru með þeim aldri? Eru einhver rök á móti?
• Væri til bóta að hækka þennan aldur upp í 18 ár eins og umræður eru um í samfélaginu?